اومیکرون؛ کرسمس اور سالانہ تعطیلات پر 2 ہزار سے زائد عالمی پروازیں منسوخ

0
22
Reisebilder, illustrasjonsbilder Forbrukerrådet. Foto: John Trygve Tollefsen

امریکا سمیت دنیا بھر میں کورونا کی نئی شکل اومیکرون کے پھیلاؤ کے خطرے کے پیش نظر 2 ہزار پروازیں منسوخ کردی گئیں۔

عالمی خبر رساں ادارے کے مطابق کرسمس اور سالانہ تعطیلات میں بیرون ملک مقیم اپنے اہل خانہ سے ملنے کی خواہش مند افراد کو پروازوں کی منسوخی کی وجہ سے شدید مایوسی کا سامنا کرنا پڑا ہے۔کورونا کی نئی شکل اومیکرون کے پھیلاؤ کو روکنے کے لیے دنیا بھر میں 2 ہزار سے زائد پروازیں منسوخ کردی گئی ہیں جب کہ 5 ہزار 700 پروازیں تاخیر کا شکار ہیں۔اس صورت حال میں دنیا کی اہم ایئرپورٹس پر دباؤ بڑھ گیا ہے اور بدنظمی دیکھنے میں آئی ہے۔ صرف امریکا میں 500 پروازیں منسوخ کی گئی ہیں۔علاوہ ازیں بیرون ملک سے آنے والی پروازوں کے پائلٹس اور عملے کے ارکان کو قرنطینہ کردیا جاتا ہے جب کہ مسافروں کو ٹیسٹ کے بغیر داخلے کی اجازت نہیں۔واضح رہے کہ دنیا بھر میں کورونا کے تیزی سے پھیلاؤ کے باعث تشویش پائی جاتی ہے اور امریکا سمیت یورپی ممالک میں پابندیاں عائد اور بوسٹر ڈوز لگوانے کی ہدایت کی جا رہی ہے۔

LEAVE A REPLY

Please enter your comment!
Please enter your name here