جاپان بیرون ملک سے تمام نئے مسافروں کا داخلہ معطل کرے گا

0
21

ٹوکیو:__حکومت جاپان نے بیرون ملک کورونا وائرس کی نئی تبدیل شدہ اقسام پائے جانے کے بعد تمام غیر رہائشی غیر ملکیوں کا ملک میں نیا داخلہ معطل کرنے کا فیصلہ کیا ہے۔اس فیصلے کا اطلاق 28 دسمبر سے 31 جنوری تک ہو گا۔حکومت نے جاپان میں وسط مدتی سے طویل مدتی رہائش کی حیثیت رکھنے کی صورت میں تمام ملکوں اور خطوں کے غیر ملکیوں کو اکتوبر سے ملک میں نئے داخلے کی اجازت دی تھی، لیکن ان افراد کا داخلہ پیر سے معطل کر دیا جائے گا۔اس کا کہنا ہے کہ مخصوص ملکوں اور ایک خطے کے کاروباری سفر پر جانے یا وہاں سے جاپان آنے کی اجازت مسلسل دی جاتی رہے گی۔حکومت، جاپانیوں اور جاپان میں رہائشی حیثیت رکھنے والے غیر ملکیوں کیلئے جاپان واپسی پر یا بیرون ملک قلیل مدتی کاروباری دورے کے بعد جاپان دوبارہ داخل ہونے پر 14 روز قرنطینہ میں رہنے سے مشروط استثنیٰ کو بھی معطل کر دے گی۔اس نئے اقدام کے تحت، واپس آنے والے یا نئے کورونا وائرس کی تبدیل شدہ اقسام کی موجودگی کی اطلاع دینے والے ممالک اور خطوں سے جاپان دوبارہ داخل ہونے والوں کو کووڈ 19 سے پاک ہونے کا سرٹیفکیٹ پیش کرنا ہو گا۔ ایسے مسافروں کو روانگی سے پہلے 72 گھنٹے کے اندر اندر اور جاپان پہنچنے پر اپنا ٹیسٹ کرانا ہو گا۔کورونا وائرس کی نئی اقسام کا راستہ روکنے میں مدد دینے کی غرض سے اسی قسم کے اقدامات برطانیہ اور جنوبی افریقہ کے لیے لاگو کیے جا چکے ہیں۔

LEAVE A REPLY

Please enter your comment!
Please enter your name here