حکومت جاپان کے ترجمان اعلیٰ نے کورونا وائرس کے خلاف اقدامات پر عملدرآمد کرتے ہوئے چین کے ساتھ کاروباری دورے دوبارہ شروع کرنے کی اجازت دینے کے حکومتی ارادے کا اظہار کیا ہے۔چیف کابینہ سکریٹری کاتو کاتسُونوبُو نے دونوں ملکوں کے مابین کاروباری دوروں کی دوبارہ اجازت دینے یا نہ دینے کے بارے میں چین کے ساتھ جاری تبادلہ خیال کا حوالہ دیا۔جناب کاتو نے کہا کہ دونوں فریق یہ دورے دوبارہ شروع کرنے کے سلسلے میں اقدامات پر تبادلہ خیال کر رہے ہیں، تاہم انہوں نے اس بارے میں کوئی امکان ظاہر کرنے سے گریز کیا۔انہوں نے کہا کہ جاپان اور چین ایک دوسرے کے لیے انتہائی اہم ہیں۔جناب کاتو نے نشاندہی کی کہ معیشت کی بحالی کے لیے سرحد پار دورے ناگزیر ہیں۔ انہوں نے کہا کہ جاپان اور چین کے درمیان کاروباری دورے ایسے انداز میں دوبارہ شروع کرنے کی اجازت دینے کے لیے حکومت کوشش کرے گی، جو انفیکشنز پھیلانے کا باعث نہ بنے۔
