اٹلی اور فرانس میں سیلاب نے تباہی مچادی

0
206

روم: اٹلی اور فرانس کے پہاڑی علاقوں میں مسلسل ہونے والی بارشوں کے باعث سیلاب نے بڑے پیمانے پر تباہی مچادی۔

عالمی نشریاتی ادارے کے مطابق اٹلی اور فرانس میں مسلسل ہونے والی بارشوں سے پہاڑی علاقوں سے سیلابی ریلہ رہائشی علاقے میں داخل ہوگیا جس کے نتیجے میں درجنوں گھر تباہ ہوگئے۔

France Italy flood 4

اٹلی میں سیلابی ریلے سے دو افراد کی لاشیں ملی ہیں ایک لاش ریسکیو ادارے کے ایک اہلکار کی ہے جب کہ دوسری لاش ایک شہری کی ہے۔ اٹلی کے اسپتالوں میں 70 سے زائد زخمیوں کو لایا گیا ہے۔

France Italy flood 2

اٹلی و فرانس میں سیلابی ریلے میں کئی کاریں بہہ گئیں، مجموعی طور پر 30 افراد ریلے کے ساتھ بہہ گئے جن کی تلاش کا کام جاری ہے تاہم ان کے زندہ ملنے کے امکانات مفقود ہوگئے ہیں۔

France Italy flood 3

اٹلی اور فرانس کے درمیان پہاڑی سلسلے کی شاہراہ پر اپنی کاروں میں سفر کرنے والے 16 سیاحوں کو ریسکیو اداروں نے محفوظ مقام پر منتقل کردیا ہے جن میں دو جرمنی کے شہری ہیں۔

LEAVE A REPLY

Please enter your comment!
Please enter your name here