فرزانہ راجہ سمیت 18 ملزمان 17 ستمبر کو طلب

0
70

اسلام آباد:___ احتساب عدالت نے بے نظیر اِنکم سپورٹ پروگرام فنڈز میں مبینہ خورد برد کے ریفرنس میں پی پی پی رہنما فرزانہ راجہ سمیت 18 ملزمان کو 17 ستمبر کو طلب کر لیا۔احتساب عدالت اسلام آباد کے جج محمد بشیر نے ریفرنس کی سماعت کرتے ہوئے فرزانہ راجہ کی میڈیکل رپورٹس بھی طلب کر لیں۔ بےنظیر اِنکم سپورٹ پروگرام کی سابق چیئرپرسن فرزانہ راجہ عدالت میں پیش نہ ہوئیں، ان کی جانب سے سردار عصمت اللّٰہ نے وکالت نامہ داخل کرا دیا۔ سردار عصمت اللّٰہ ایڈووکیٹ نے عدالت کو بتایا کہ سابق چیئرپرسن بی آئی ایس پی فرزانہ راجہ بیمار ہیں، امریکا میں زیرِ علاج ہیں، وہ ویڈیو لنک سے عدالت میں حاضری لگوانا چاہتی ہیں۔احتساب عدالت کے جج محمد بشیر نے حکم دیا کہ پہلے ملزمہ کی بیماری سے متعلق میڈیکل رپورٹ عدالت میں جمع کرائیں، میڈیکل رپورٹ دیکھنے کے بعد ہی عدالت کوئی فیصلہ کرے گی۔واضح رہے کہ فرزانہ راجہ سمیت دیگر ملزمان پر فنڈز میں خورد برد سے قومی خزانے  کو 54 کروڑ روپے کا نقصان پہنچانے کا الزام ہے۔

LEAVE A REPLY

Please enter your comment!
Please enter your name here